Gujarati News

Gujarati News

News of Thursday, 4th March 2021

આવતા મહિને આવશે ઇઝાબેલ કૈફની ફિલ્મ

અભિનેત્રી કેટરીના કૈફની બહેન ઇઝાબેલ કૈફ પણ બોલીવૂડમાં એન્ટ્રી કરવા તૈયાર છે. તેની ફિલ્મ સુસ્વાગતમ્ ખુશામદીદ રિલીઝ થવાની તૈયારીમાં છે. ઇઝાબેલ સાથે ફિલ્મમાં પુલકિત સમ્રાટ મુખ્ય ભુમિકા નિભાવી રહ્યો છે. ફિલ્મમાં સામાજીક સમરસતાનો મુદ્દો છે.ઇઝાબેલ ફિલ્મમાં નૂર નામનું પાત્ર ભજવી રહી છે. તે આગ્રાની છોકરી અને પુલકિત દિલ્હીના છોકરાના રોલમાં છે. ફિલ્મનું શુટીંગ પુરૂ થઇ ચુકયું છે. જેનું નિર્દેશન ધીરજ કુમારે કર્યુ છે. ઇઝાબેલ ફિલ્મો પહેલા જ સોશિયલ મિડીયાને કારણે અનેક ચાહકો ઉભા કરી ચુકી છે. પુલકિતે કહ્યું હતું કે ઇઝાબેન ખુબ જ મહેનતુ છે, તેની સાથે કામ કરવાનો આનંદ આવ્યો છે. પુલકિતની અન્ય ફિલ્મોમાં હાથી મેરે સાથી અને ફૂકરે-૩ સામેલ છે. ઇઝાબેલ આ ફિલ્મ પછી ડાન્સ ટુ ડાન્સમાં પણ જોવા મળશે. જેમાં સૂરજ પંચોલી તેની સાથે મુખ્ય રોલમાં છે. ફિલ્મ આવતા મહિને રિલીઝ થવાની છે.

(11:28 am IST)
  • મહારાષ્ટ્રમાં કોરોનાનો કહેર વધતા દેશમાં કોરોનાના કેસ ઝડપથી વધ્યા ::નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 17,425 કેસ નોંધાયા :કુલ કેસની સંખ્યા 1,11,56,748 થઇ :એક્ટિવ કેસ 1,70,443 થયા વધુ 14,071 દર્દીઓ સ્વસ્થ થતા કુલ 1,08,24,233 થયા :વધુ 87 લોકોના મોત સાથે કુલ મૃત્યુઆંક 1,57,471થયા: સૌથી વધુ મહારાષ્ટ્રમાં નવા 9855 નવા કેસ નોંધાયા access_time 1:06 am IST

  • કેજરીવાલે તેમના માતા - પિતા સાથે કોરોનાની વેક્સીન લીધી : દિલ્હીના મુખ્યમંત્રી અરવિંદ કેજરીવાલે તેમના માતા-પિતા સાથે ઍલ.ઍન.જે.પી. હોસ્પિટલ ખાતે કોવિડ-૧૯ વેક્સીનનો પ્રથમ ડોઝ આજે લીધો હતો. તે પ્રસંગની તસ્વીર. access_time 11:23 am IST

  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST