News of Tuesday, 2nd January 2018

શોર્ટ ફિલ્મમાં સેલ્ફ ડિફેન્ડર ટ્રેનર બનશે તાપસી પન્નુ

મુંબઈ:પિંક અને નામ શબાના જેવી ફિલ્મોમાં મહત્વપૂર્ણ ભૂમિકા ભજવી ચુકેલ અભિનેત્રી તાપસી પન્નુ આગામી એક શોર્ટ ફિલ્મમાં સેલ્ફ ડિફેન્સ ટ્રેનરની ભૂમિકામાં નજરે પડશે. જાણીતા ડાયરેક્ટર અને ફિલ્મ નિર્માતા કપિલ વર્માએ આ જાહેરાત કરી છે. ફિલ્મની વાર્તા ભાઈ-બહેનની આસપાસ ફરતી જોવા મળશે. વિક્કી અરોડા ફિલ્મમાં તાપસીના ભાઈની ભૂમિકામાં નજરે પડશે. કપિલ વર્માએ જણાવ્યુ હતું કે, આ ભૂમિકા માટે તાપસીએ ખાસ ટ્રેનિંગ લીધી છે. મેં જુડવા-૨ના સેટ પર તાપસીને આ ફિલ્મની સ્ક્રિપ્ટ સંભળાવી હતી અને સ્ક્રિપ્ટ સાંભળતાની સાથે જ તે શુટિંગ માટે તૈયાર થઈ ગઈ હતી. ત્યારબાદ તેને આ ભૂમિકા માટે ખાસ તાલીમ આપવામાં આવી. શુટિંગ ખૂબ જ શાનદાર રહ્યુ. ફિલ્મમાં તાપસીને લેવાના કારણ અંગે વર્માએ જણાવ્યુ કે, પિંક અને નામ શબાનામાં તાપસીની ભૂમિકા જોઈને મને આ ફિલ્મમાં તાપસીને લેવાનો વિચાર આવ્યો. 

(5:59 pm IST)
  • મુંબઈના મરોલ વિસ્તારની મૈમુલ બિલ્ડિંગમાં આગ લાગવાથી એક જ કુટુંબના ચાર લોકોના મોતથી અરેરાટી ફેલાઈ ગઈ છે access_time 9:07 am IST

  • હાલની પરિસ્થિતિ જોતા ગુજરાત ભાજપના પ્રભારી શ્રી ભુપેન્દ્ર યાદવ બદલાય તેવી સેવાય રહેલી શક્યતા : ભાજપ હાઈકમાન્ડે પ્રભારી બદલવાનું મન બનાવી લીધું હોવાની થઇ રહેલી ચર્ચા : હાલ શ્રી યાદવને કર્ણાટકની ચૂંટણીની જવાબદારી સોંપાઈ છે. access_time 4:21 pm IST

  • બિહારના સમસ્તીપુર શહેરના ગોલા રોડ પરની યુકો બેન્કમાંથી ૮ સશસ્ત્ર લૂંટારૂઓએ 52 લાખ રૂપિયાની લૂંટ ચલાવી નાસી છુટ્યા : પોલીસે ઘટના સ્થળે પહુચીને તપાસ શરુ કરી : તમામ લૂંટારૂઓ સવારે 10-15 વાગ્યે બાઈક પર બેંકમાં પહોચ્યા હતા. access_time 3:51 pm IST