Gujarati News

Gujarati News

News of Tuesday, 2nd January 2018

રાધિકા આપ્ટેને આગામી ફિલ્મમાંટે અનુરાગ કશ્પયે કરી સાઈન

મુંબઇ: ફિલ્મ સર્જક અનુરાગ કશ્યપે પોતાની આગામી ફિલ્મ માટે અભિનેત્રી રાધિકા આપ્ટેને સાઇન કરી હોવાનું જણાવ્યું હતું. એણે કહ્યું કે છેલ્લા સાત આઠ મહિનાથી હું મારી હવે પછીની ફિલ્મ માટે રાધિકાને પૂર્વતૈયારી કરાવી રહ્યો હતો. રણબીર કપૂર અને અનુષ્કા શર્મા જેવા ટોચના કલાકારો હોવા છતાં બોમ્બે વેલ્વેટ ફ્લોપ નીવડયા પછી અનુરાગ પોતાની ફિલ્મોની બાબતમાં ઘણો સાવધ થઇ ગયો છે. એ મોટે ભાગે પોતાના હીરોને રિપિટ કરે છે પરંતુ હીરોઇનોને રિપિટ કરતો નથી. પરંતુ મનમર્ઝિયાંમાં રાધિકાનું કામ જોયા પછી એણે બીજી ફિલ્મ માટે પણ રાધિકાને સાઇન કરી હતી.  એણે કહ્યું હતું કે હું મોટે ભાગે ત્રણ કલાકારો સાથે કામ કરવાનું વધુ પસંદ કરું છું- નવાઝુદ્દીન સિદ્દીકી, વિનીત કુમાર સિંઘ અને રાધિકા આપ્ટે. મને જરૃર હોય ત્યારે આ કલાકારોની તારીખેા સહેલાઇથી મળે છે. આ કલાકારો ગમે તેટલાં બીઝી હોય, મારી ફિલ્મ માટે મને પૂરતો સમય ફાળવી દે છે. મારી કામ કરવાની સિસ્ટમથી એ લોકો પરિચિત છે એટલે મને ધાર્યું કામ મળી રહે છે.

(5:44 pm IST)
  • મહારાષ્ટ્રની હિંસાનો પાટણમાં ગઈકાલે પડઘોઃ બામસેફના કાર્યકરોનું વિરોધ પ્રદર્શનઃ ચાણસ્મા-રાધનપુર હાઈવે પર ચક્કાજામ ,ટોળાએ ટાયર સળગાવી ચકકાજામ કયોઃ પોલીસે ટોળાને વિખેરી હાઇવે ખુલ્લો કર્યો access_time 11:24 am IST

  • દલીતો ઉપરના અત્યાચારના વિરોધમાં ધોરાજીમાં એક યુવકે શર્ટ કાઢીને નવતર વિરોધ વ્યકત કર્યો હતો અને ગળામાં માટીની માટલી પહેરીને સરકાર સામે આક્રોશ વ્યકત કરીને દલીતો ઉપર અત્યાચાર બંધ કરોના નારા લગાવ્યા હતા access_time 5:29 pm IST

  • વિદેશ પ્રધાન સુષ્મા સ્વરાજે જણાવ્યું હતું કે ભારત સંયુક્ત રાષ્ટ્ર (યુએન)માં હિન્દી ભાષાને અધિકૃત ભાષાનો દરજ્જો દેવડાવવા માટે જરૂરી ખર્ચ કરવા તૈયાર છે, પરંતુ તેમાં યુએનના નિયમો અવરોધરૂપ છે. વાસ્તવમાં, યુએનમાં સત્તાવાર દરજ્જો દેવડાવવા માટે 193 દેશોમાં 129 દેશોનું સમર્થન જરૂરી છે. access_time 10:12 am IST