Gujarati News

Gujarati News

News of Wednesday, 16th September 2020

ઉત્સવ ગૃપના દિનેશ વિરાણીનો જન્મદિવસઃ પપમાં વર્ષમાં પ્રવેશ

રાજકોટઃ રંગીલા રાજકોટમાં નાટકવાળા તરીકે જાણીતા ઉત્સવ ગૃપના દિનેશ વિરાણીનો આજે જન્મદિવસ છે. તેઓ જીવનના પ૪ વર્ષ પુર્ણ કરી પપમાં વર્ષમાં પ્રવેશ કર્યો છે.

છેલ્લા ત્રણ દાયકાથી તેઓ સામાજીક શૈક્ષણીક સેવાકીય પ્રવૃતિઓ સાથે જોડાયેલા છે. મુંબઇના હિર નાટક અને મ્યુઝીકલ શો રાજકોટ આંગણે લાવવવાનો શ્રેય દિનેશ વિરાણીને જાય છે. હિન્દી ફિલ્મ જગતનાં ખ્યાતનામ કલાકારોના નાટકો રાજકોટમાં લાવેલ છે. તેઓએ જાણીતા ગાયક કિશોરકુમારની એકટીંગ કંપનીમાં તાલીમ લીધી હતી. તેઓએ વહુ઼એ વગોવ્યા મોટા ખોરડા જેવા વિવિધ નાટકોનું નિર્માણ કરેલ હતું. મુંબઇમાં ગુજરાતી નાટકોનો ટીકીટ શો કરનાર તેઓ પ્રથમ ગુજરાતી હતા.

નિરાધાર વૃધ્ધોને શ્રાવણ માસે નિઃશુલ્ક યાત્રા પ્રવાસ તથા ચારધામ યાત્રાપ્રવાસ પણ વિનામુલ્યે ચાર વાર કરાવ્યો હતો. તેઓએ વિવિધ સ્પર્ધાઓનું આયોજન તહેવારો ઉપર કરીને યુવા વર્ગને જોડયો હતો. તેઓનું નાટક ચિત્રલેખા સ્પર્ધામાં વિજેતા થયું હતું. હાલ ઉત્સવ ગૃપમાં સભ્યોને વર્ષમાં ૧૦ થી વધુ નાટકો મળે તેવું આયોજન ચલાવે છે. આજે તેમના જન્મદિવસે મો.નં. ૯૯૦૪૦ ૯૩૦૩૯ ઉપર અભિનંદન શુભેચ્છા વર્ષા થઇ રહી છે.

(3:33 pm IST)
  • રસ્તો ક્રોસ કરી રહેલા ઉત્તર પ્રદેશના ભાજપના ધારાસભ્ય દેવેન્દ્ર પ્રતાપ સિંહને વાહને અડફેટે લઇ લીધા : ચા પીવા ઉભા રહ્યા બાદ રસ્તો ઓળંગી રહ્યા હતા ત્યારે પુરપાટ ઝડપે જઈ રહેલા વાહને ટક્કર મારી દીધી : ગંભીર હાલતમાં લખનૌ હોસ્પિટલમાં દાખલ access_time 8:37 pm IST

  • સરદાર સરોવર ડેમની સપાટી 138 મીટર : નર્મદા ડેમ અંગે અંગે નાયબ મુખ્યમંત્રી નીતિનભાઈ પટેલે કહ્યું- સરદાર સરોવર ડેમની સપાટી 138 મીટર થઈ:ડેમમાં હાલ પાણીની આવક ચાલુ: વડાપ્રધાન મોદીના જન્મ દિવસે નર્મદા ડેમ ભરાઈ જશે: ઉદ્યોગો, પશુઓ અને ખેતીને ફાયદો થશે: પાણીની આવકના કારણે પાવર હાઉસ ચાલુ છે. access_time 12:52 am IST

  • શું રેંટિયો કાંતવાથી અંગ્રેજો ભાગી જવાના હતાં ? : થાળી વગાડવાથી કોરોના ભાગી ન જાય તેવું કહેનારા લોકોને ભાજપ સાંસદ સુધાંશુ ત્રિવેદીનો વેધક સવાલ : જે રીતે ગાંધીજીએ આઝાદીના પ્રતીક તરીકે ચરખાને સ્થાન આપ્યું હતું તે રીતે મોદીજીએ સામાજિક ચેતના જાગૃત કરાવવા થાળી વેલણ વગાડવાનું કહ્યું હતું : પાર્લામેન્ટમાં સામસામી આક્ષેપબાજી access_time 11:10 am IST