Mukhy Samachar

News of Friday, 21st April, 2017

હાફિઝ સઇદ આતંકી ગતિવિધિઓમાં સામેલ : અંતે પાકિસ્તાને કોર્ટમાં સ્વીકાર્યું

પાક. ગૃહમંત્રાલયે લાહોર હાઇકોર્ટમાં સોગંદનામુ રજૂ કર્યું

<br />હાફિઝ સઇદ આતંકી ગતિવિધિઓમાં સામેલ : અંતે પાકિસ્તાને કોર્ટમાં સ્વીકાર્યું

      ઇસ્લામાબાદ તા. ૨૧ : પાકિસ્તાનના ગૃહમંત્રાલયે લાહોર હાઈકોર્ટમાં સોગંદનામું રજુ કરીને સ્વીકાર્યું છે કે હાફિઝ સઈદ આતંકી ગતિવિધિઓ સાથે જોડાયેલો છે. વાત જાણે એમ છે કે જમાત ઉદ દાવાના પ્રમુખ હાફિઝ સઈદે કોર્ટમાં એમ કહીને અરજી દાખલ કરી હતી કે અનેક મહિનાઓથી ગેરકાયદેસર રીતે તેની અટકાયત થઈ છે. અરજીના જવાબમાં પાકિસ્તાન ગૃહમંત્રાલયે સ્વીકાર્યું કે હાફિઝની આતંકી ગતિવિધિઓ સાથે લિંક છે.

      પોતાના પત્રમાં ગૃહમંત્રાલયે કહ્યું કે સઈદની એન્ટી ટેરેરિઝમ એકટ હેઠળ અટકાયત થઈ છે. હાફિઝ પર પાકિસ્તાનમાં પણ અશાંતિ ફેલાવવાનો આરોપ છે. મંત્રાલયે એ પણ સ્વીકાર્યું છે કે જમાત ઉદ દાવા આતંકી ગતિવિધિઓમાં સામેલ રહ્યું છે તે બાબત પર ભરોસો કરવાના તેમની પાસે કારણ પણ છે.

      આ પત્રને પાકિસ્તાનના સ્વીકારનામા તરીકે જોવામાં આવી રહ્યો છે. જેમાં પાકિસ્તાન હાફિઝ આતંકી હોવાની વાત સ્વીકારી રહ્યું છે. સરકારે પાકિસ્તાનમાં થયેલા વિસ્ફોટો બાદ ૩૦ જાન્યુઆરીએ સઈદ સહિત જેયુડી અને એફઆઈએફના પાંચ નેતાઓને એન્ટી ટેરેરિઝમ એકટ હેઠળ ધરપકડ ક રી હતી. સઈદ પર અમેરિકાએ આતંકી ગતિવિધિઓમાં સામેલ હોવાના કારણે ૧૦ મિલિયન ડોલર (૬૪ કરોડ) રૂપિયાનું ઈનામ પણ રાખેલુ છે.

 (02:41 pm IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS
 
 

આપની ઓનલાઈન ખરીદી માટે અહીં ક્લિક કરો