Mukhy Samachar

News of Monday, 20th March, 2017

ફૂટપાથ પર પાર્કિંગ કરો છો? હવે થશે સજા

આવા પાર્કિંગને કોગ્નિઝેબલ ગુનો ગણવામાં આવશે

   નવી દિલ્હી તા. ૨૦ : ફૂટપાથ પર વાહન પાર્ક કરતા પહેલા હવે ખાસ વિચારજો. ફૂટપાથ પર વાહન પાર્કિંગને કોગ્નિઝેબલ ગુનો ગણીને અહીં વાહન પાર્ક કરનારાઓ સામે ગુનો દાખલ કરવાની કવાયત હાથ ધરવામાં આવી છે. સુપ્રીમ કોર્ટે રચેલી એન્વાયરમેન્ટ પોલ્યુશન કંટ્રોલ ઓથોરિટી (EPCA)એ સેન્ટ્રલ પોલ્યુશન કંટ્રોલ બોર્ડ (CPCB) સાથે મળીને નવો એકશન પ્લાન તૈયાર કર્યો છે. જો તેમના સૂચનોનો અમલ કરવામાં આવશે તો ફૂટપાથ પર વાહન પાર્ક કરનારાઓને કડક સજા થઈ શકે તેમ છે.

   હવા પ્રદુષણને કાબુમાં લાવવા માટે સુપ્રીમ કોર્ટના માર્ગદર્શન મુજબ એક એકશન પ્લાન તૈયાર કર્યો છે. આમાં પાર્કિંગની સમસ્યાનો નિકાલ કરવા માટે પાર્કિંગને લગતી પેનલ્ટીમાં ૧૦ ગણો વધારો કરવાનું પણ સૂચન કરવામાં આવ્યું છે. કમિટીએ દરેક વિસ્તારમાં પાર્કિંગ એરિયા નક્કી કરવા, તેમાં મીટર સિસ્ટમ નાંખવા, સાઈન લગાડવા અને પાર્કિંગ અવેલેબલ છે કે નહિ તેની IT ઇન્ફોર્મેશન ઉપલબ્ધ કરાવવાની સિસ્ટમ ઊભી કરવા માટે પણ પ્રસ્તાવ મૂકયો છે. આનાથી રસ્તા પર વાહનોનું મેનેજમેન્ટ સુધારી શકાશે અને એક જગ્યાએથી બીજી જગ્યાએ પહોંચવામાં સમય પણ ઓછો લાગશે તેવી કમિટીને અપેક્ષા છે.(૨૧.૧૩)

 (12:45 pm IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS