Mukhy Samachar

News of Monday, 20th March, 2017

ભાજપમાં મોદીની પકડ મજબૂત બનતા અસંતોષનું વાતાવરણ નહિ રહે

ઉત્તરપ્રદેશ અને ઉત્તરાખંડની ચૂંટણીએ મોદીની લોકપ્રિયતા ઉપર મહોર લગાવીઃ ભાજપમાં તેમના વધતા વર્ચસ્વથી હવે આંતરિક અસહમતીને કોઇ સ્થાન નહિ રહેઃ ચીની મીડીયા કહે છે... નોટબંધી જેવા હવે અનેક પગલાઓ આવશેઃ મોદીને ફેંસલા લેવાની છુટ મળશેઃ મોદીના અધિકારો સામે દરેકે ઘુટણીયે પડવુ પડશે

ભાજપમાં મોદીની પકડ મજબૂત બનતા અસંતોષનું વાતાવરણ નહિ રહે

   નવી દિલ્હી તા.ર૦ : ચીનના સરકારી મીડીયાએ કહ્યુ છે કે ઉત્તરપ્રદેશ અને ઉત્તરાખંડ વિધાનસભાની ચૂંટણીમાં ભાજપને મળેલા મોટા વિજયએ પીએમ મોદીની લોકપ્રિયતા સ્પષ્ટ કરે છે પરંતુ પક્ષ પર તેમની પકડ વધવાથી પક્ષના કાર્યકરો અને નેતાઓમાં અસંતોષ સંપુર્ણ સમાપ્ત થઇ જશે. સરકારી અખબાર ગ્લોબલ ટાઇમ્સમાં પ્રકાશિત એક લેખમાં જણાવાયુ છે કે આ સમગ્ર ચૂંટણીમાં વડાપ્રધાનની લોકપ્રિયતાની પુષ્ટી થઇ ગઇ છે. આ ચૂંટણીમાં તેમણે અનેક પ્રવચનોમાં ખુદને અને પોતાના પગલાને મુખ્ય મુદો ગણાવ્યો હતો. ઉત્તરપ્રદેશમાં મળેલી શાનદાર સફળતા જેવા પરિણામો અપાવાની મોદીની કાબેલિયતથી પક્ષની અંદર તેમની સ્થિતિ વધુ મજબુત બનશે.

   અખબારના જણાવ્યા પ્રમાણે આનો મતલબ એ પણ છે કે નોટબંધી જે અંગે પક્ષની અંદર બહુ ઓછી ચર્ચા કરવામાં આવી હતી જેવા અનેક પગલાઓ હવે લેવાશે. મોદી માને છે કે તેઓ ભારતની અનેક સમસ્યાઓનુ સર્વશ્રેષ્ઠ સમાધાન આપી શકે તેમ છે.

   ઉત્તરપ્રદેશની ચૂંટણી બાદ ગ્લોબલ ટાઇમ્સ આ બીજો આલેખ છે. ૧૬મી માર્ચે પણ જણાવ્યુ હતુ કે, યુપીના વિજયથી ર૦૧૯માં સત્તામાં વાપસીની મોદીની સંભાવનાઓ વધી ગઇ છે અને તેના પરિણામો ભારત-ચીન સંબંધો ઉપર પણ જોવા મળશે કારણ કે આનાથી ચીન પ્રત્યે કડક વલણ અપનાવવા માટે તેમનુ મનોબળ વધી શકે છે. આલેખમાં જણાવાયુ છે કે ભાજપમાં મોદીને મળેલી સંપુર્ણ છુટથી પક્ષમાં અસહમતીને કોઇ સ્થાન નહી રહે.

   આલેખમાં જણાવાયુ છે કે, સામાન્ય રીતે કહેવાય તો એક નિર્ણાયક અને આક્રમક નેતા ભુલ પણ કરશે. મોદીને મહત્વના મુદે ફેંસલા લેવાની છુટ મળશે. ભાજપમાં અસહમતીનો સંપુર્ણપણે અભાવ કે જે ભારતની સત્તાધારી પાર્ટી માટે અસામાન્ય છે, પરિણામ એ રહેશે કે દરેક તેમના અધિકારો સામે પગે પડી જશે.

 (09:49 am IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS