Mukhy Samachar

News of Friday, 17th February, 2017

શું ભારતમાં ૭૦,૦૦૦ હશે આઇફોન ૮ની કિંમત?

   નવી દિલ્‍હી તા. ૧૭ : KGI સિક્‍યોરિટીના એનાલિસ્‍ટ મિંગ-ચી કુઓ એપલ પ્રોડક્‍ટ માટેના સૌથી વિશ્વાસપાત્ર સોર્સ છે. તેમણે નેક્‍સ્‍ટ iPhoneની કિંમત અને ફીચર્સ અંગે પ્રેડિક્‍શન કર્યું છે. તેમણે જણાવ્‍યું છે કે નવા iPhone ૮માં હોમ બટન નહિ હોય. આ ઉપરાંત કંપની ફંકશન એરિયા' ઇન્‍ટ્રોડ્‍યુસ કરશે જેમાં ફિંગરપ્રિન્‍ટ સેન્‍સર હશે. કુઓના પ્રેડિક્‍શન એપલે તાજેતરમાં જ ફાઈલ કરેલી પેટન્‍ટ સાથે મળતા આવતા હોવાને કારણે આ પ્રેડિક્‍શન સાચા હોવાની શક્‍યતા વધી ગઈ છે. હવે એપલ તેમનું ગોળાકાર ID સેન્‍સર બદલીને તેનો સમાવેશ ડિસ્‍પ્‍લેમાં જ કરી લે તેવી શક્‍યતા છે. કુઓના જણાવ્‍યા મુજબ iPhone ૮માં ૫.૮ ઇંચની OLED પેનલ હશે. iPhone ૭માં ૪.૭ ઇંચની પેનલ છે. આ ઉપરાંત એક્‍ટિવ ડિસ્‍પ્‍લે એરિયા ૫.૧૫ ઇંચ હશે. નીચેનો ભાગ વર્ચુઅલ બટન્‍સ માટે ફાળવવામાં આવશે. iPhone ૮માં ટચ ID નથી આથી એપલ ફોનમાં નવા સિક્‍યોરિટી ફીચર્સ એડ કરે તેવી શક્‍યતા છે. એવું માનવામાં આવે છે કે આ ફોનમાં ચહેરો ઓળખે તેવી કે થ્રીડી લેસર સ્‍કેનિંગ ટેક્‍નોલોજીનો ઉપયોગ કરવામાં આવશે. આથી ચહેરો સ્‍કેન કરીને જ ફોન અનલોક થાય તેવા સિક્‍યોરીટી ફીચર્સ પણ એડ થઈ શકે છે. કિંમતની વાત છે તો કુઓના મતે iPhone ૮ની સ્‍ટાર્ટિંગ પ્રાઈસ ૭૦,૦૦૦ રહેવાી શક્‍યતા છે. કંપનીની ઉત્‍પાદન કિંમત જ ૫૦થી ૬૦ ટકા જેટલી વધી ગઈ હોવાને કારણે iPhone ૮ની કિંમત ઊંચી રહેશે.

 (04:19 pm IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS