Mukhy Samachar

News of Friday, 17th February, 2017

કેશલેસ ટ્રાન્‍જેકશનઃ રિઝર્વ બેંકે MDRમાં કાપનો પ્રસ્‍તાવ

૧લી એપ્રિલથી અમલીકરણ

   મુંબઈ તા. ૧૭ : ડિજિટલ ટ્રાન્‍જેક્‍શનને પ્રોત્‍સાહન આપવા માટે રિઝર્વ બેંક ઓફ ઇન્‍ડિયાએ પહેલી એપ્રિલથી મર્ચન્‍ટ ડિસ્‍કાઉન્‍ટ રેટ (એમડીઆર)માં ભારે કાપનો પ્રસ્‍તાવ મૂક્‍યો છે. ૨૦ લાખ રૂપિયા સુધીના વાર્ષિક ટર્નઓવર ધરાવતા કારોબારી અને ઇન્‍સ્‍યોરન્‍સ, મ્‍યુચ્‍યુઅલ ફંડ, શૈક્ષણિક સંસ્‍થાઓ, સરકારી હોસ્‍પિટલ્‍સ જેવી સ્‍પેશિયલ મર્ચન્‍ટ્‍સ માટે તે કુલ ટ્રાન્‍જેક્‍શન વેલ્‍યુના ૦.૪ ટકા હશે. એમડીઆર ચાર્જ ડેબિટ કાર્ડથી ટ્રાન્‍જેક્‍શન પર વસૂલ કરવામાં આવે છે. ડિજિટલ પીઓએસ (ક્‍યુઆર કોડ)થી ટ્રાન્‍જેક્‍શન પર ૦.૩ ટકા રાખવામાં આવ્‍યો છે.

   પહેલાં ૨૦૦૦ રૂપિયા સુધીના ટ્રાન્‍જેક્‍શન પર ૦.૭૫ ટકા અને તેનાથી વધુ ચુકવણી પર એક ટકા એમડીઆર લાગતું હતું. જોકે ક્રેડિટ કાર્ડથી પેમેન્‍ટ પર આરબીઆઈએ કોઈ કેપ લગાવી નથી. નોટબંધી બાદ આરબીઆઈએ ૩૧ માર્ચ સુધી ચાર્જમાં કાપની જાહેરાત કરી હતી. આરબીઆઈના ડ્રાફટ મુજબ નવા દરો પહેલી એપ્રિલથી લાગુ થશે. ડ્રાફટમાં એ પણ પ્રસ્‍તાવિત કરવામાં આવ્‍યું છે કે, બેંકે સુનિશ્ચિત કરવું જોઈએ કે દુકાનોમાં સુવિધા કે સર્વિસ ચાર્જની ચુકવણી ગ્રાહકોએ કરવાની નહિ રહે' તેવી સૂચનાનું બોર્ડ લગાવેલું હોય. નોટબંધીની જાહેરાત બાદ ડિજિટલ ટ્રાન્‍જેક્‍શનને પ્રોત્‍સાહન આપવા માટે સરકાર તરફથી લેવાયેલા પગલાં બાદ કેશલેસ ટ્રાન્‍જેક્‍શનમાં વૃદ્ધિ થઈ છે.

   આરબીઆઈએ આ મહિનાના અંત સુધીમાં ડ્રાફટ પર વિચાર માગતા કહ્યું હતું કે, કાર્ડથી ટ્રાન્‍જેક્‍શન વધ્‍યું છે અને આ ગતિને જાળવી રાખવાની છે. ખાસ કરીને નાના વેપારીઓ વચ્‍ચે, જેમણે હાલમાં જ ડિજિટલ પેમેન્‍ટ લેવાનું શરૂ કર્યું છે. રિઝર્વ બેંકે એમડીઆર ચાર્જના હિસાબે કારોબારીઓને ચાર વર્ગમાં વહેંચવાનો પ્રસ્‍તાવ કર્યો છે.

 (01:03 pm IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS