Mukhy Samachar

News of Saturday, 12th August, 2017

૪ દિ'માં શેરધારકોને ૬.૪ લાખ કરોડનો ધૂંબો

અમેરિકા - ઉત્તર કોરિયા વચ્ચે અણુ ટકરાવની શકયતાની ભારતીય શેરબજાર ઉપર આકરી અસર : એક જ અઠવાડિયામાં આંક ૧૧૦૦ પોઇન્ટ તૂટયોઃ ચીન સાથે ડોકલામ વિવાદ, શોલ કંપનીઓના જ કારોબાર ઉપર મનાઇ અને કોર્પોરેટ ક્ષેત્રની નબળી સ્થિતિ પણ જવાબદાર

૪ દિ'માં શેરધારકોને ૬.૪ લાખ કરોડનો ધૂંબો

      મુંબઇ તા. ૧૨ : અમેરિકા અને ઉત્તર કોરિયા વચ્ચે યુધ્ધની સંભાવનાની સીધી અસર, વિશ્વભરના શેરબજારોની જેમ ભારતના શેરબજાર ઉપર પણ પડી છે અને છેલ્લા ૪ દિવસમાં ભારતીય શેરબજારમાં ટ્રેડીંગમાં ભારતના શેરધારકોને ૧૦૦ બિલીયન અમેરિકી ડોલર એટલે કે ૬.૪ લાખ કરોડ રૂપિયાનું જંગી નુકસાન વેઠવું પડયું છે.

      મુંબઇ શેરબજારની માર્કેટ કેપ હવે ૧૩૩.૧ લાખ કરોડ રૂપિયા છે. ૭ ઓગષ્ટે તે પોતાના સર્વોચ્ચ સ્તર ૧૩૯.૫ લાખ કરોડ રૂપિયા સુધી પહોંચી ગયેલ. શેરબજારનું માર્કેટ કેપ ૬ જુલાઇએ ૧૩૩ લાખ કરોડ રૂપિયા હતું. એ પછી ૨૩ ટ્રેડીંગ સત્રના કારોબાર પછી ૭ ઓગષ્ટે શેરબજાર ૧૩૯.૫ લાખ કરોડના પોતાના સર્વોચ્ચ સ્તરે પહોંચ્યું હતું.

      સમાચાર એજન્સીના પ્રગટ થયેલ હેવાલ મુજબ દુનિયાભરના શેર રોકાણકારોને લગભગ ૧ ટ્રિલીયન ડોલર એટલે કે લગભગ ૬૪૦ ખરબ અને ૮૫ અબજ રૂપિયાનું અધધધ નુકસાન થઇ ચૂકયું છે.

      ગઇકાલે શુક્રવારે સેન્સેક્ષમાં ૩૧૮ પોઇન્ટના ગાબડા સાથે શેરબજાર ૩૧૨૧૪ના આંકે બંધ થયેલ છે. જે છેલ્લા કેટલાક મહિનાઓમાં સૌથી નીચા સ્તરે રહ્યું છે.

      નિફટી પણ ૧.૧ ટકા એટલે કે લગભગ ૧૦૯ પોઇન્ટ તૂટવા સાથે ૯૭૧૧ પોઇન્ટ ઉપર ગઇકાલે શુક્રવાર બંધ થયું.

      આ એક જ અઠવાડિયામાં સેન્સેક્ષ ૧૧૦૦ પોઇન્ટ તૂટયો છે. ડીલર્સોનું કહેવું છે કે ભારત અને ચીન વચ્ચે ડોકલામ વિવાદ, સેબી દ્વારા મંગળવારે ૩૩૧ શેલ કંપનીઓનું ટ્રેડીંગ રોકવું અને કોર્પોરેટ સેકટરમાં ઢીલાશને લીધે આ અઠવાડિયામાં શેરબજારને જંગી નુકસાન થયું છે.

       

 (10:02 am IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS
 
 

આપની ઓનલાઈન ખરીદી માટે અહીં ક્લિક કરો