Mukhy Samachar

News of Wednesday, 11th January, 2017

નવો ધડાકો : 'BSF અધિકારીઓ અમને અડધા ભાવે માલ-સામાન વેચે છે'

   

   

      શ્રીનગર તા. ૧૧ :    BSF   ના એક જવાન તેજબહાદુર યાદવે જવાનોને અપાતા ખોરાકની ગુણવત્તા અંગે જારી કરેલા વીડિયોથી દેશમાં હંગામો થઈ ગયો છે.    BSF   એ પોતાના પ્રાથમિક રિપોર્ટમાં આ આરોપોને નકારી કાઢ્યા છે પરંતુ આ અંગે ઉચ્ચસ્તરીય તપાસ હજુ ચાલુ છે. બીજી બાજુ એક આઘાતજનક વાત સામે આવી છે કે    BSF    કેમ્પની આસપાસ રહેનારા લોકોએ દાવો કર્યો છે કે કેટલાંક અધિકારીઓ તેમને ઇંધણ અને અનાજ બજાર કરતા અડધા ભાવે વેચે છે.

      BSF    જવાન તેજ બહાદુરે પોતાના વિડીયોમાં આ વાતનો ઉલ્લેખ કર્યો હતો. તેમણે વિડીયોમાં દાવો કર્યો હતો કે સરકાર પૂરતું રાશન-અનાજ અને અન્ય સામાન મોકલે છે   ,    સ્ટોર્સ ભરેલા પડ્યા છે પરંતુ અધિકારીઓ આ સામાન સૈનિકો સુધી પહોંચવા નથી દેતા અને બહાર વેચી દે છે.

      એક    BSF    જવાન અને શ્રીનગરમાં આવેલા હુમહમા    BSF    હેડકવાર્ટરની આસપાસ રહેનારા કેટલાંક સ્થાનિક લોકોએ દાવો કર્યો છે કે એરપોર્ટની આસપાસ રહેતા દુકાનદાર    BSF    અધિકારીઓ દ્વારા વેચાતા ઇંધણના મુખ્ય ગ્રાહકો છે. નામ ન આપવાની શરતે એક    BSF    જવાને જણાવ્યું   , '   આ અધિકારીઓ સ્થાનિક બજારમાં રાશન અને ખાવા-પીવાની વસ્તુઓ વેચી દે છે. અમારા સુધી સામાન પહોંચતો જ નથી. એટલે સુધી કે અમારા રોજબરોજની વપરાશની વસ્તુઓ પણ અમને મળતી નથી અને તે બહાર પોતાના એજન્ટ્સ મારફતે આ ચીજો બજારમાં વેચી દે છે.   '

      આ મહોલ્લાના એક ઠેકેદારે જણાવ્યું હતું કે   , '   અમને હુમહમા કેમ્પના કેટલાંક અધિકારીઓ પાસેથી બજારભાવની અડધી કિંમતે ડીઝલ અને પેટ્રોલ મળી જાય છે. આ ઉપરાંત ચોખા   ,    મસાલા   ,    દાળ અને રોજબરોજની ચીજો પણ ઘણા સસ્તા ભાવે મળી જાય છે.   '   એક ફર્નિચર ડીલરે ખૂબ જ આઘાતજનક દાવો કર્યો છે. તેના જણાવ્યા મુજબ   , '   ઓફિસ અને અન્ય સરકારી જરૂરિયાત માટે ફર્નિચર ખરીદવા આવનાર અધિકારીઓ અમારી પાસેથી તગડું કમિશન લે છે. તેમનું કમિશન અમારા નફા કરતા પણ વધારે હોય છે.    BSF   માં કોઈ ઇ-ટેન્ડરિંગની વ્યવસ્થા નથી. અધિકારી આવે છે   ,    પોતાનું કમિશન લે છે અને ફર્નિચર ખરીદી લે છે. કેટલીક વાર તો તેમને ફર્નિચરની કવોલિટીની પણ પડી નથી હોતી.   '

      આ હાલત માત્ર    BSF   ની નથી. સીઆરપીએફના કેટલાંક અધિકારીઓની પણ આવું જ કરે છે. શ્રીનગરમાં એક મહિના અગાઉ સુધી આઈજી તરીકે ફરજ નિભાવનાર સીઆરપીએફના રવિદીપ સિંહ સાહીએ જણાવ્યું કે જો સપ્લાયમાં કોઈ પણ પ્રકારનો ગોટાળો જણાશે તો તેની તપાસ કરવામાં આવશે. ેમણે કહ્યું કે   , '   અમારા જવાન અમારી તાકાત છે. તેમને મળનારી સુવિધાઓમાં કોઈ પ્રકારની બાંધછોડ સાંખી નહિ લેવાય.   '    તેમનો દાવો છે કે સીઆરપીએફમાં વસ્તુઓ ખરીદવા માટે એક યોગ્ય વ્યવસ્થા ઊભી કરાઈ છે જેનો ભંગ કોઈ પણ નથી કરી શકતું. સીઆરપીએફના એક જવાને    BSF   ના જવાનના આરોપોને નકારતા જણાવ્યું હતું કે   , '   અમને તો  ૂબ સારી ગુણવત્ત્   ।   ાનું ભોજન મળે છે અને આ ઉપરાંત ડ્યુટી પૂરી થયા બાદ રહેવા માટે યોગ્ય વ્યવસ્થા પણ કરવામાં આવે છે.   '(   ૨૧.૧૦)

   
 (11:48 am IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS
 
 

આપની ઓનલાઈન ખરીદી માટે અહીં ક્લિક કરો