Mukhy Samachar

News of Wednesday, 11th January, 2017

અફઘાનિસ્તાન : આતંકી હુમલામાં ૫૬ લોકોનાં મોત

ચાર બોંબ ધડાકાથી ધણધણ્યું અફઘાનીસ્તાન

   

   

      કાબુલ તા. ૧૧ : અફઘાનિસ્તાનની રાજધાની કાબુલમાં સંસદ સહિત દેશના ત્રણ શહેરોમાં થયેલા હુમલાઓમાં અત્યાર સુધી લગભગ ૫૦ લોકોનાં મોત થયા છે અને ૮૦ લોકો ઈજાગ્રસ્ત થયા છે. મૃતકોની સંખ્યા વધી શકે છે. UAE   ના રાજદૂતની અફઘાનિસ્તાન યાત્રા દરમિયાન દક્ષિણ કંદહારમાં ગવર્નરના ઘરમાં સોફામાં લાગેલો બોમ્બ ફાટવાથી ઓછામાં ઓછા ૯ લોકોનાં મોત થયા છે. જો કે રાજદૂતને માત્ર ઈજા થઈ છે.

      ઘટનાના અમુક જ કલાક પહેલા   ,    તાલિબાને કાબુલમાં સંસદની એનેકસીમાંથી નીકળી રહેલા કર્મચારીઓને નિશાન બનાવીને હુમલો કર્યો હતો જેમાં ૩૦ લોકો માર્યા ગયા હતા અને ૮૦ લોકો ઘાયલ થયા હતા. આ જ પરિસરમાં અફઘાનિસ્તાનના સાંસદોની ઓફિસ છે. બીજી બાજુ હેલમંડની રાજધાની લશ્કર ગાહમાં તાલિબાનના આત્મઘાતી હુમલાખોરે પોતાને બોમ્બથી ઉડાવી દીધો હતો અને સાથે સાત લોકોનાં મોત થયા હતા.

      મોટા પ્રમાણમાં થઈ રહેલા હુમલા અફઘાનિસ્તાનમાં વધી રહેલા ઉગ્રવાદનો સંકેત છે. અમેરિકા સમર્થિત અફઘાનિસ્તાન સરકાર તાલિબાની ઉગ્રવાદની સાથે સાથે અલ-કાયદા અને ઈસ્લામિક સ્ટેટના આતંકવાદીઓ સાથે પણ મુકાબલો કરવાનો પ્રયાસ કરી રહી છે. કંદહારના પોલીસ પ્રમુખ અબ્દુલ રઝઝાકે જણાવ્યું કે   ,    શહેરના ગવર્નર અને    UAE   ના રાજદૂત જુમા મોહમ્મદ અબ્દુલ્લા વિસ્ફોટમાં ઘાયલ થયા છે.

      તેમણે જણાવ્યું કે બોમ્બ વિસ્ફોટમાં લગભગ એક ડઝન લોકોનાં મોત થયા છે. અત્યાર સુધી આ હુમલાની જવાબદારી કોઈ ગ્રુપે નથી લીધી. પણ કાબુલ વિસ્ફોટ વિશે તાલિબાનનું કહેવું છે કે તેમણે આ હુમલો કરાવ્યો છે.

      પહેલા હુમલામાં આત્મઘાતી હુમલાખોરે સરકારી કર્મચારીઓને લઈ જઈ રહેલી મિની બસ પાસે પોતાને હુમલાથી ઉડાવ્યો. જયારે બચાવકર્મીઓ ઘટનાસ્થળે પહોંચ્યા   ,    ત્યાં સુધી ત્યાં કારમાં બોમ્બ વિસ્ફોટ થયો. હુમલામાં માર્યા ગયેલા ૩૦ લોકોમાં ચાર પોલીસકર્મી પણ શામેલ છે. તે લોકો પહેલા હુમલા પછી પીડિતોની મદદ માટે આવ્યા હતા. (૨૧.૭)

   
 (11:47 am IST)
 

Share This News

Facebook
Twitter
Blogger
 

Follow Akilanews.com

Facebook
Twitter
YouTube
RSS